Wolverine(ዉልቨሪን) አስገራሚው ምህረት የለሽ ትንሹ አዳኝ እንስሳ

ጥንጥዬ ድብ የሚመስለው wolverine(ዉልቨሪን) በልኩና በመልኩ እንዲየውም የበለጠ የሚመስለው ከ አይጥ ትንሽ የሚበልጠውን እና ድመት የሚያክለውን weasel(ዊዝል) ነው። Wolverine(ዉልቨሪን) እራሱ የዊዝል ቤተሰብ ነው ይባላል። Wolverine(ዉልቨሪን) የሚያክለውም መካከለኛ ውሻን ነው።

እሄ ትንሽ እንስሳ ርዝመቱ(እስከነጭራው) 110 ሴንቲ ሜትር አካባቢ ሲሆን ክብደቱ ደግሞ ከ 9 - 25 ኪሎ ግራም አካባቢ ነው። ሪኮርዱ 33  ኪሎግራም ነው።

ዉልቨሪን የመብላት አቅሙ እጅግ በጣም ከፍተኛ ከመሆኑም በላይ ምህረት የለሽና እንደሚታየው ከሆነ የሚፈራው ነገር የለም ተብሎ ይታወቃል። ይህ ትንሽ ገዳይ እንስሳ ያለው ጉልበት ከአንዳንድ ትልልቅ ገዳይ እንስሳዎች እራሱ የሚስተካከልና ከአንዳንዱም ደግሞ የበለጠ ነው። እንዲየውም ድብን ከሚያክል አንበሳን እንኳን ሊያሸንፍ ከሚችል እንስሳ ግድያ ሊነጥቅ ቢያንስ አንዴ ሲተናነቅ  እንደታየ ይነገርለታል። እንደ ተኩላ አይነት እንስሳቶችማ ግድያቸውን ለመንጠቅ መተናነቁ ዘውትሮ ይታያል። እንደ ቀበሮ አይነት እራሳቸው አዳኝ የሆንትን እንስሳዎች ደግሞ በቀላሉ ገድሏቸው ይበላል። ደግነቱ ይሄ እንስሳ ብዙ ሰው አካባቢ የሚኖር ሳይሆን የአለማችን ሰሜናዊው ጫፍ በረዶአማ አካባቢ የሚባለው Arctic circle አካባቢ ነው የሚኖረው።

ይሄ እንስሳ Wolverine(ዉልቨሪን) እንደጅብ የአገጩ ጉልበት ሃይለኛ ከመሆኑ አንጻር የገደላቸውን እንስሳቶች አጥንትና ጥርስ ሳይቀር ቁርጭምጭም አድርጎ እንደሚበላ ይታወቃል። እሄ ብቻ ሳይሆን እሄ ከ 9 - 25 ኪሎግራም አካባቢ የሚመዝነው Wolverine(ዉልቨሪን) ብቻዎን ከ 200 ኪሎግራም በላይ የሚመዝኑትን አጋዘኖችና ከ 300 - 400 ኪሎግራም እንዲየውም ከዚያም በላይ የሚመዝኑትን elk (ኤልኮች) ገድሎ ይበላል።

እነዚህ ትንንሽ ገዳዬች በረዶ ላይ እንዲሮጡ የሚረዳ መሬት ሲረግጡ በራሱ ጊዜ እጥፍ ሆኖ የሚሰፋ እግሮች አሏቸው። ጥፍሮቻቸው ደግሞ ረዘም ያሉና እጅግ ሹል ናቸው። እሄም ደግሞ የሚገድሉትን እንስሳ ሲነክሱ ጥፍሮቻቸውን ሰክተውበት እንዲይዙት ያግዛቸዋል።

Wolverine(ዉልቨሪን) አይኖቻቸው ትንንሽ ቢሆንም ሩቅ እና በረዶ ውስጥ እራሱ በጥልቀት የተቀበረ ነገር ማሽተት የሚችል አፍንጫ አላቸው። Wolverine(ዉልቨሪን) የሚኖሩት ከ 4 - 7 አመት ያህል ቢሆንም እስከ 13 አመት ድረስም ሊኖሩ ይችላሉ።

Wolverine(ዉልቨሪን) እንደተኩላ በቡድን ሳይሆን ብቻውን የሚዞርና ብቻውን የሚያድን እንስሳ ነው። እሱም ስጋና የ አደን ምግብ ብቻ ሳይሆን እራሱ ያልገደለውን ጥምብ እና ከ ፍራፍሬ የሚመደበውንም berries ይበላል። የሚተኛው ከ 3 - 4 ሰአታት ያክል ሲሆን አንድ ወንድ Wolverine(ዉልቨሪን) ስኬታማ ከሆነ ከ 3 - 4 ሴቶች ይኖሩታል። ከነዚህም ሴቶች ጋር የህይወት ሙሉ አጋር ይሆናል። ወንድ Wolverine(ዉልቨሪን) ከሴት Wolverine(ዉልቨሪን) በርዝመትም ሆነ በክብደት 30% ያህል እንዲየውም ከዚያም በላይ ሊበልጥ ይችላል። እንደሚነገርላቸው ከሆነ ደግሞ ውይልቨሪኖች ጥሩ አባቶች ናቸው። ልጆቻቸው ሙሉ በሙሉ ጎልማሳ እስኪሆኑ ደግሞ ከሌኮች ዉልቨሪኖች ጋር አብረው ባያድኑም እራሱ ከልጆቻቸው ጋር አብረው ሊያድኑ ይችላሉ።



Posted via Blogaway