ቁንጣንን እንዴት ማስታገስ ይቻላል?

ከመጠን በላይ መብላት ምግብ ቶሎ እንዳይፈጭ በማድረግ ለሆድ መነፋፋትና ለቁንጣን ይዳርጋል። ይህ ደግሞ ምቾታችንን በማባረር ለጊዜውም ቢሆን እንድንጨናነቅ ያደርጋል። ይህ ጭንቀት በጊዜው ቢለቅም ለጊዜውም ቢሆን በጣም ሊያጨናንቀን ስለሚችል ቶሎ እንዲለቀን ለመሞከር የምንጠቀምባቸው ዘዴዎች ሊኖሩ ይችላሉ።

መጠቀም የምንችላቸውን ዘዴዎችን እንመልከት

1) ሆድ ላይ የሆነ ሙቅ ነገር ማስቀመጥ:-

ሆድ ላይ እንደ hot water bottle አይነት ነገር በሙቅ ውሃ ሞልተን ወይም የትኛውንም ሞቅ ያለ ነገር ሆዳችን ላይ ማስቀመጥ ለዚህ ችግር ጥሩ ረዳት ነው። በአብዛኛው ጊዜ ይሄ ዘዴ ከ ሃያ ደቂቃ በኋላ ሆዳችን ለቀቅ እንዲል ያደርጋል

2) ለ 30 ደቂቃ ያህል ጋደም ብሎ እረፍት መውሰድ:-

በእንደዚህ አይነት ጊዜ የሆዶቻችሁ ጡንቻዎች ምግብን በደንብ እንዲያዘዋውሩ ጊዜ እና እረፍት መስጠት አስፈላጊ ነው። ከዛም በኋላ ደግሞ በደንብ ወደውስጥ በመተንፈስ የተጨናነቁ የሆድ ጡንቻዎችን ማፍታታትም አስፈላጊ ነው።

3) ቀላል walk መውሰድ:-

ቀለል ያለ walk መውሰድ አንዳንዴ ምግብ ቶሎ እንዲፈጭ ይረዳል

4) ቶኒክ መጠጣት:-

በተለይ እንደ ስጋ አይነት ነገር በልተን ቁንጣን ከያዘን ቶኒክ ቶሎ እንዲፈጭልን ያግዛል።

5) ጭንቀቱ ከ 5 ሰአት በላይ ከቆየ ያለ ሃኪም ትእዛዝ የሚፈቀዱ antacid እና antigas መውሰድ

6) ጠንከር ያለ ዊስኪ ወይም አረቄ በትንሹ መጠጣት:-

ይሄ እራሱ በተለይ ስጋ ከልክ በላይ ከተበላ ጥሩ መፍትሄ ሊሆን ይችላል።

Posted via Blogaway