በአለማችን አደገኛና ጠንካራ የውሻ ዝርያዎች

9) The Husky:- 

እኚህ የውሻ ዝርያዎች የተደቀሉት ለአንድ ዋና ጉዳይ ነው። እሱም በበረዶአማ አካባቢ ሰዎች ሰውንም ሆነ እቃን ለማመላለስ እንደጋሪ የሚጠቀሙበትን sled እንደፈረስ እየጎተቱ እንዲሮጡ ነው። ስለዚህ አደቃቀላቸው እራሱ ጠንካራ ትከሻ፣ አንገትና እግር እንዲኖራቸውና ያን ሁሉ ክብደት እየጎተቱ እንዲሮጡ ነው።

The Husky

8) The German Shepherd:- 

ይህ German Shepherd የሚባለው የውሻ ዝርያ እንደ ፖሊስነት፣ ሽብር ተከላካይ ቡድን፣ አደንዛዥ ዕጽ ተከላካይ ቡድን እና ሌሎች ስራዎች ላይ ከሌሎች የውሻ ዝርያዎች ሁሉ በአብዛኛው ሰው  የሚጠቀመው እሄንን የውሻ ዝርያ ነው። ይሄም ሊሆን የቻለበት ምክንያት ደግሞ ጥንካሬውና የአምሮ ብቃቱ ስለሚፈለግ ነው።

German Shepherd

7) The English Bulldog:-

ይህ English bulldog የሚባለው የውሻ ዝርያ እንደስሙም አደቃቀሉ በሬዎችን ለማገድ ወይም ለመጣል ነው። ይህ የውሻ ዝርያ በተፈጥሮ አጭር ቢሆንም ሰውነቱ እንዳለ በጡንቻ የበለጸገ ጡንቸኛ እና ጉልበተኛ ያለው የውሻ ዝርያ ነው።

The English Bulldog

6) Pit Bull:- 

ይህ Pit Bull የሚባለው የውሻ ዝርያ ያው የ bulldog ዝርያ ሲሆን ግን እነዚህ ደግሞ አደቃቀላቸው ምህረት የለሽ ተደባዳቢ እንዲሆኑ ነው። ስለዚህ እኚህ ውሻዎች በተፈጥሮአቸው እጅግ እልኸኛ ተደባዳቢና ሲደባደቡም እስከ ሞት ድረስ በእልህ እንደሚደባደቡ ይታወቃሉ። ሌላ ደግሞ እኚህ Pit Bull የውሻ ዝርያዎች ልክ እንደ English Bulldog ሰውነቱ እንዳለ በጡንቻ የበለጸገ ከመሆኑ በላይ Pit Bull በሃይል የዘለለበት ሰው ልክ በመሳሪያ እንደተመታ በሃይል እንደሚጎዳ ይታወቃል። ከዚህም በላይ ደግሞ Pit Bull ትንሽ መኪና እስከ 20 ሜትር ድረስ ሊጎትት ይችላል። 

ይህ Pit Bull የሚባለው የውሻ ዝርያ ከሁሉም የውሻ ዝርያዎች የበለጠ አደገኛ እና ገዳይ ነው ተብሎ ይታወቃል። በአለም ላይ በውሻ ከሚሞቱ ሰዎች ግማሽ የሚሆኑት ያህል የሚሞቱት በ Pit Bull ነው።

ከሌሎች የውሻ ዝርያዎች ጋርም ሆነ ከምንም ጋር ድብድብ ቢጋጠም Pit Bull እልኸኛ ስለሆነ በጉልበት ቢበለጥ እንኳን እስከሞት ድረስ ይጋደላል እንጂ እጅ አይሰጥም።

Pit Bull

5) Dogo Argentino:- 

ይህ የውሻ ዝርያ አደቃቀሉ Cordoba Fighting dog ከሚባል እስከሞት ድረስ መደባደብ ከሚወድ ውሻ ነው። ስለዚህ ይህ የውሻ ዝርያ እጅግ ታዋቂ ዝርያ ባይሆንም ድሮ ከነበረው Cordoba Fighting dog ከሚባለው ታዋቂ ተደባዳቢ የውሻ ዝርያ ስለተደቀለ ጡንቸኛ፣ ጠንካራ፣ በድብድብ ጊዜ ህመም የሚችል የውሻ ዝርያ ነው። እሄም የውሻ ዝርያ አሁን የጫካ አሳማዎች ለማደን ሰዎች የሚጠቀሙበት የውሻ ዝርያ ነው።

Dogo Argentino

4) Rottweiler:-

ይህ rottweiler የውሻ ዝርያ አደቃቀሉ ብዙ ከብት ለመጠበቅ ነው። እሱም ከብቶችን በስነስርአት ለማገድ በቂ ጥንካሬ አለው። ይህ የውሻ ዝርያ ጥንካሬ ብቻም ሳይሆን በቶሎ ተናዳጅነቱም ይታወቃል።

Rottweiler

3) The Carpathian Shepherd:-

ይህ the carpathian shepherd የሚባለው የውሻ ዝርያ በአብዛኛው በ Slovakia, Ukraine, Romania እና Serbia አካባቢ የሚገኝ ሲሆን በነዚሁም አካባቢ በጎች ለመጠበቅ ነው የተደቀለው። ከላይ በተጠቀሱት አካባቢዎች እረኞችን ተኩላ፣ የተራራ አንበሳ እና ድብ የመሳሰሉት እንስሳቶች በጎችን ስለሚይስስቸግሩ እሄ ጠንካራ የውሻ ዝርያ ተደቀለ።

The Carpathian Shepherd

2) The St. Bernard:- 

ይህ የውሻ ዝርያ የ Swiss ውሻ ነው። ይህ የውሻ ዝርያ በዋናነት የጠፉ የሃገር ጎብኚዎችን ፈልጎ ማግኘት ነው ስራው። እንደሚነገረው ከሆነ በረዶ የተናደባቸው ጎብኚዎችን ልብሳቸውን በአፉ ይዞ ምንም ከባድ ቢሆኑ ጎትቶ እንደሚያወጣቸው ይነገርለታል። ይህም ደግሞ ጥንካሬውን ያሳያል።

The St. Bernard

1) Kangal:-

ይህ የውሻ ዝርያ kangal የጥንት ዝርያ ሲሆን በመጀመሪያ የ ቱርክ ሃገር ውሻ ቢሆንም አሁን ወደ ኢስያ፣ አፍሪካ እና አውሮፓ ተሰራጭቷል። ይህ ውሻ ሰዎች ለዘበኝነት የሚጠቀሙት ውሻ ሲሆን እንዲሁ ውሻው የሀገራችንን አህያ ያክላል። ይህ ውሻ እጅግ በጣም ጠንካራ እና ንክሻውም ከሁሉ ውሻዎች በላይ ሃይል አለው። ይህ ውሻ በጣም ግዙፍ፣ ሃይለኛ እና ህመም ቻይ ከመሆኑ የተነሳ በወሬ ደረጃ ቢሆንም እንኳን ድቦችን፣ አንበሳዎችን፣ ነብሮችን ታግሎ አሸንፏል ተብሎ የተወራባቸው ጊዜያቶ አሉ። እንዲየውም አሁን እራሱ በ ኢንተርኔት እነዚህን አውሬዎች ታግሎ ሲገድል ቪዲዮ አለን የሚሉ ዌብሳይቶች አሉ። ስለዚህ ከሁሉም የውሻ ዝርያዎች እሄኛው Kangal የሚባለው ዝርያ በጥንካሬው እና በአደገኛነቱ ይበልጣል።

Kangal

ጠቃሚ እውቀት(ጠቅላላ)

9:31 AM

አይ ኤስ(ISIS) የተባለው ቡድን እንደምናውቀው በዘመናችን ካሉ አሸባሪ ቡድኖች ከሁሉም አሸባሪ ቡድኖች በላይ በአስገራሚ ሁኔታ ብዙ ሰው፣ ብዙ ገንዘብ እና ብዙ መሬት ያለው ቡድን ነው።

እኚህ የ አይ ኤስ አሸባሪ ቡድን አባሎች እንደምናየው እና እንደምንሰማው እናም የአይን ምስክሮች እንደሚገልጹት ከሆነ ጥሩ እና መጥፎን የሚዳኝ እግዚአብሄር እንደሌለ ወይም እነሱ የሚከተሉት እግዚአብሄር አረመኔ እና ህሊና ቢስ ነው የሚል መልእክት ለማስተላለፍ እንደሚፈልጉ በሚመስል መንገድ የእስልምና ሃይማኖት ባይፈቅደው እራሱ በእስልምና ስም ወንድ ወይ ሴት፣ ልጅ ወይ አዋቂ ወይም ንጹህ ወይ ወንጀለኛ ሳይሉ ሰው እንደሚገድሉ፣ እንደሚያርዱ፣ ሴቶችን በመጥለፍ ከ 100 ዶላር ጀምረው እንደሚሸጡ፣ በእጃቸው የገቡ ሴቶችንም ደግሞ እንደፈለጉ እየተፈራረቁባቸው አስገድደው እንደሚደፍሩ እራሳቸው የሚለቁት የቪዲዮ ቀረጻ እና በነሱ ስር የሚኖሩ እና ከእነሱ እጅ ያመለጡ ሰዎች ይመሰክራሉ።

እኚህ የ አይ ኤስ ቡድን አባላት የሚያደርጉትን ነገር ሁሉ የሚያደርጉት በእስልምና ስም ነው። ይህም ሆኖ የሚያደርጉት ነገር ሁሉ ሰብአዊ ርህራሄ ፈጽሞ የሌለው፣ አረመኔያዊ እና የክፋት ነጸብራቅ እንጂ ለናሙና ያህል እንኳን አንድ ጥሩ ነገር አድርገው ታይቶም ወይም ተሰምቶም አይታወቅም።

እነዚህ የአይ ኤስ ቡድን አባላት ያደረጉትን ነገር አድርገው ሲሞቱ ገነት ገብተው 72 ድናግል ይጠብቁናል ብለው ያምናሉ። እንዲየውም የሚያደርጉት ነገር ሁሉ ለሱ ብለው እንደሆነ ይታወቃል።

በሚያደርጉት ተግባር አንድ ሰው እነኚህማ የሚፈሩት ነግር የለም ብሎ ሊያስብ ይችላል። ግን ይሄ ከእውነት የራቀ ነው። በእርግጥ ገነት ገብተን 72 ድንግሎች ይጠብቁናል ብለው ስለሚያምኑ ሞትን ላይፈሩ ይችላሉ። ተጨንቀው ከህንጻ ላይ ተፈጥፍጠው የሚሞቱ ሰዎችም እኮ ሞትን አልፈሩም። ሞት ደግሞ ፈራንም አልፈራንም ማንም አይቀርለትም እና የሚፈራ ነገርም መሆን የለበትም። ግን ሰው እንደመሆናቸው መጠን ከሞት ውጪ ማንም ሰው የሚያስፈራው ነገር ያስፈራቸዋል። እንዲየውም በቅርብ አንድ የ አይ ኤስ ቡድን አባል በ ኩርዶች ተይዞ እንደ ህጻን ልጅ ሲያለቅስ በ ቪዲዮ ተለቆ የአለም መሳሳቂያ ሆኗል።

ግን ከስቃይ እና ከውርደት በላይ ደግሞ የ አይ ኤስ ቡድኖች የሚፈሩት ነገር አለ። ይህም ደግሞ በሴት እጅ መገደልን ነው። እነሱ እንደሚያምኑት ከሆነ እራሳቸውን ቢያጠፉም ሆነ በጦርነት ላይ በወንድ ከተገደሉ ገነት ገብተው ከ 72 ድንግሎች ጋር አለማቸውን እንደሚቀጩ ነው። ግን እንደድንገት በሴት ከተገደሉ እኚህ ሁሉ ድንግሎች እና ገነት ቀርቶ ቀጥታ ገሃነም እንደሚሄዱ ነው።

Kurdish Peshmerga Forces የኩርዶች ፐሽመርጋ ሃይሎች አይ ኤስ ዋና ጦርነት የሚያካሄድበት አካባቢ ኢራቅ እና ሶርያ አካባቢ የሚገኙ የ ኩርዶች ወታደራዊ ሃይል ናቸው። እነሱ ወታደራዊ ሃይል ውስጥ ደግሞ ብዙ ሴቶች ይገኛሉ። እነዚህም ሴቶች በየቀኑ ከ አይ ኤስ ጋር ፍልሚያ መግጠም ከጀመሩ ሰንበትበት ብሏል። የሚያስቀው ነገር ግን የ አይ ኤስ ወታደሮች የ ኩርድ ሴት ወታደሮችን ሲያዩ ከሩቅ ሲሸሹ ሲታይ ነው። እንዲየውም እኚህ የኩርድ ሴት ወታደሮች ስለዚህ ጉዳይ ሲጠየቁ ሁሌም መልሳቸውን የሚመልሱት ከፈገግታና ከሳቅ ጋራ ነው። ግን ቢሸሹም የሚለቃቸው የለም። እነዚህ የኩርድ ሴት ወታደሮች እጅግ ብዙ የሆኑ የ አይ ኤስ ወታደሮችን ቀጥታ ወደ ገሃነም ልከዋል።

Posted via Blogaway

ጠቃሚ እውቀት(ጠቅላላ)

2:31 AM

1) ቡና በመጀመሪያ ጊዜ የተገኘው(የታወቀው) በኢትዮጵያ እረኞች በ 800 ዓ/ም አካባቢ ሲሆን እረኞቹም ያስተዋሉት ፍየሎቻቸው ቡናውን በልተው የመቅነዝነዝና የመደነስ ስሜት ሲታይባቸው ነው።

2) ቡና በምድር ላይ በብዛት ከሚሸጡ ነገሮች ሁለተኛውን ደረጃ ይይዛል። Global Exchange በዘገበው መሰረት ቡና ከ 50 በሚበልጡ ሀገራት ከ 25 ሚሊዮን በሚበልጡ ገበሬዎች ይመረታል።

3) የቡና ዘር አይነቶች ሁለት ናቸው። እነሱም Arabica እና Robusta ይባላሉ። 70% የሚያክሉ የቡና ዘሮች Arabica ናቸው። Robusta የቡና ዘር እንደ Arabica ብዙም ተወዳጅነት የሌለው ሲሆን ከ Arabica ትንሽ መረር የሚልና የ caffeine መጠኑም ከ Arabica እጥፍ ነው።

4) በቡና ምርት በአለም አንደኛ ብራዚል ስትሆን የአለማችንን የቡና ምርት 40% ትሸፍናለች። ሁለተኛና ሶስተኛ ደግሞ ኮሎምቢያና ቬትናም ናቸው።

ኢትዮጵያ በቡና ምርት በአለም ሰባተኛ ስትሆን በአፍሪካም ደግሞ አንደኛ ነች።

5) በአለም ውዱ ቡና Kopi luwak ሲባል ግማሹ ኪሎ ከ 100 - 600 ዶላር ያወጣል።
አመራረቱም Luwak የሚባል እንስሳ ቡናውን እስከነቅርፊቱ ከበላው በኋላ እንስሳውም በተፈጥሮው የቡና ፍሬውን ሆዱ መፍጨት ስለማይችል ፍሬው በአሩ እንዳለ ይወጣል። ከዛ ፍሬው ከአሩ ተለቅሞ ታጥቦ ለጥቅም ይውላል።

6) በአለማችን ታሪክ ቡናን ህገወጥ ለማድረግ አምስት ጊዜ ተሞክሮ ነበር

1ኛ) በ 1511 AD በ Mecca 

2ኛ) በ 16ኛው ክፍለ ዘመን የጣልያን የካቶሊክ ቄሶች እና ዲያቆኖች ቡናን ስይጣናዊ ነው በማለት አስከልክለው ነበር። ቢሆንም ግን Pope Clement VII የሚባሉ የዚያን ጊዜ የካቶሊክ ዋና ጳጳስ ቡናን በጣም ይወዱ ስለነበር ቡናን አስጠምቀው ተመልሶ ህጋዊ እንዲሆን አድርገዋል።

3ኛ) በ 1623 AD Murad IV የሚባል የ Ottoman መሪ ለቡና መጠጥ የመጀመሪያውን ቅጣት ለዓለም አስተዋውቋል። ቡና ለጠጣ ሰው ቅጣቱም ግርፊያና ባህር ውስጥ መወርወር ነበር።

4ኛ) በ 1746 AD የ ስዊድን መንግስት እንደ ሲኒ ያሉ የቡና መጠጫ እቃዎች እራሱ ይዞ መገኘትን ህገወጥ አድርጎት ነበር።

5ኛ) 1777 AD የ የፕሩሺያው Frederick the Great ቡና ከቢራ መጠጥ ጋር እንዳይፎካከር ብሎ ህገወጥ አድርጎት ነበር።

7) ቡና ከልክ በላይ ከተጠጣ ሊገድል ይችላል። ግን ያንን መጠን ለመድረስ አንድ ሰው 100 ኩባያ መጠጣት አለበት።

8) ቡና Alzheimer's በሽታን፣  Parkinson's በሽታን፣ የተለያዩ የካንሰር በሽታዎችን እና የስኳር በሽታን የመከላከል አቅም አለው።

9) ቡና ላይ ክሬም ሲጨመር ቡናው ለበለጠ ጊዜ ትኩስ ሆኖ ይቆያል።

10) ቡና ላይ ወተት ሲጨመር የማነቃቃቱን ሃይል ይቀንሳል።

11) እስከአሁን ድረስ ከተፈሉት ትልልቅ ኩባያ ቡናዎች ከሁሉም ትልቁ በ ደቡብ ኮሪያ july 2014 ላይ የተፈላ ሲሆን እሱም 14 ሺህ ሊትር ነው።

12) ቡናን ማሽተቱ ብቻ ከእንቅልፍ ሊያነቃ ይችላል። ተመራማሪዎች እንደሚገልጹት ከሆነ ቡናን ማሽተቱ እራሱ አእምሮ ውስጥ ያሉትን የአንዳንድ genes እንቅስቃሴ በመቀየር የእንቅልፍ ስሜትን ሊቀንስ ይችላል። ያንን ያሸተቱትን ቡና ሲጠጡ ደግሞ ሳያሸቱ ከሚጠጡት ቡናው 10 ደቂቃ ቀድሞ ደም ውስጥ እንዲደርስ ያደርጋል።

13) በጣም ጠቁረው የተቆሉ የቡና ፍሬዎች ቀላ ካሉት በ caffeine መጠናቸው አነስ ይላሉ።

14) አሜሪካ ውስጥ ካሉት ከ 18 አመት በላይ የሆኑ ሰዎች 80% በየቀኑ ቡና ይጠጣሉ።

Posted via Blogaway

ጠቃሚ እውቀት(ጠቅላላ)

6:07 AM

የሰው ልጅ ጨውን ለብዙ መቶ እንዲየውም ሺህ ዓመታት ተጠቅምዋል። በዛም ጊዜ ውስጥ ደግሞ ጨውን ለብዙ ጥቅሞች ማዋል ችልዋል። ሰው በአብዛኛው ጊዜ ጨውን ለምግብ ማጣፈጫነት ቢሆንም የሚጠቀመው ለሌሎች ነገሮችም ማዋል ችልዋል። እነዚህን አንዳንድ ነገሮች ደግሞ ብዙ ሰው ልብ ብሎአቸው አያውቃቸውም።

ስለዚህ እነሱን እንመልከት

1) መሬት ላይ ወድቆ የተሰበረና መሬቱን ያበላሸ እንቁላል ካለ መሬቱን ለማጽዳት። እንቁላል ተሰብሮ መሬቱን ካበላሸ ጨው እንቁላሉ የፈሰሰበት ቦታ ላይ ነስንሰው ለሃያ ጠብቁ። ከሃያ ደቂቃ በህዋላ እጅግ በቀላሉ እንቁላሉን አጽድቶ መሬቱን ልክ እንደነበረ ማድረግ ይቻላል።

2) ንብ ከነደፍዎት:- ንብ ከነደፍዎት የተነደፉበትን ቦታ አርጥቡትና ከዛ ጨው እላዩ ላይ አደርገው በጨው ይሸፍኑ።

3) ዘይት ላይ የሚፈጠር እሳትን ለማጥፋት:-
እንደድንገት ዘይት ላይ እሳት ቢፈጠር መቼም ቢሆን በውሃ አያጥፉት። ግን ጨው እላዩ ላይ በብዛት መበተን አንድ ጥሩ መፍትሄ ነው።

4) ቀለማቸው የሚለቅ ልብሶችን ቀለማቸው እንዳይለቅ ማድረግ:-
ቀለማቸው የሚለቅ ለልብሶች ካልዎት ቀለማቸው እንዳይለቅ ወደ 2 ሊትር የሚጠጋጋ ውሃ ግማሽ ኩባያ ቪኒጋር እና ግማሽ ኩባያ ጨው አድርገው በሆነ ዕቃ አደባልቁ። ከዛ ልብሱን ለ1 ሰዓት እዛ ውስጥ ዘፍዝፉ። ከአንድ ሰዓት በህዋላ ልብሱን ቀለሙ ሳይለቅ ማጠብ ይችላሉ። ይህ ዘዴ በመጀመሪያ ዙር ካልሰራ ይድገሙት።
ይህ ዘዴ ወጥ ቀለም ላላቸው ልብሶች ብቻ ነው።

5) የተበላሸ እንቁላል ልመለየት:-
በአንድ ኩባያ ውሃ ውስጥ ሁለት የሻይ ማንኪያ ጨው ጨምረው በጥብጡ። ከዛ እንቁላሎቹን ብጥብጡ ውስጥ እየጨመሩ መፈተሽ ይችላሉ።
ያልተበላሹ እንቁላሎች ይሰምጣሉ የተበላሹት ግን ይንሳፈፋሉ።

6) በኮብል ስቶኖች መካከል የሚበቅሉ ሳሮችን ለማጥፋት:-
በኮብል ስቶኖች መካከል እንዲጠፋ የሚፈልጉት ሳሮች ካሉ ጨው እላዩ ላይ ይነስንሱና ከ12 ሰዓት በኋላ ትንሽ ውሃ ያድርጉበት።

7) አርቴፊሻል አበባዎችን ለማፅዳት:-
በሆነ ትልቅ ፌስታል ጨው በብዛት አድርጉና አርቴፊሻል አበባውን ውስጡ አድርጉ። እሰሩትና በደንብ ነቅንቁት። ውጤቱን የጨውን ቀለም በማየት ይገንዘቡ።

8) ሲኒዎችን ከቡና ወይ ከሻይ ከተፈጠረ አልለቅ ካለ ጠቋራ ምፅዳት:-
የጠቆረበትን ቦታ በጨው በደንብ ፈግፍገው ያቆዩና ከዛ ይጠቡ።



Posted via Blogaway

ጠቃሚ እውቀት(ጠቅላላ)

8:45 AM